Escola Municipal de Música Magariños: 2011

BO NADAL

15:08 Administrador

A Escola pecha por vacacións de Nadal dende o día 22 de decembro ata o 8 de xaneiro ambos os dous inclusive.

Os vosos profesores: Carlos Gulías Carrillo, María Ferrer Vázquez, Elisa Costoya Rodríguez, Jorge Rey Barca, Damián Cairo Touriño, Francisco Javier Álvarez Mata e Carlos Pintor Iglesias vos desexamos:

¡ BO NADAL e un mellor ANINOVO 2012 !

Seguir lendo

CIRCULAR 11/003

15:07 Administrador

O vindeiro 21 de decembro rematan as clases do primeiro trimestre do curso 2011/2012. O período de vacacións de Nadal abranguerá dende o 22 de decembro ata o 8 de xaneiro ambos os dous inclusive. O calendario escolar ao completo se pode ver no taboleiro como tamén na web da Escola.

O pago correspondente ao segundo trimestre extenderáse dende o día 9 de xaneiro ata o 3 de febreiro ambos os dous incluídos. A forma de pago é o de autoliquidación no banco ou en tesourería na Casa do Concello para importes inferiores a 60 €. Pódese solicitar os impresos de autoliquidación aos profesores en horario de clases (dende as 15:30 ata as 22:00 horas) ou ben en horario de atención ao público:

Secretaría
Luns e Venres (10´00-11´00 horas)

Dirección
Martes (10´00-11´00 horas)

Xefatura de Estudios
Mércores (10´00-11´00 horas)

Unha vez efectuado o pago deberáse entregar na Escola (ben aos profesores ou na secretaría) os xustificantes de pago co que quedaría completado o procedemento das taxas para o segundo trimestre.

Por outra banda, quedan expostos na web coma tamén no taboleiro da Escola, o Calendario das Agrupacións Instrumentais para o segundo trimestre das distintas formacións: Banda de Música Magariños, Ensamble de Clarinetes, Ensamble de Saxofóns, Orquestra de Frautas e Orquestra de Guitarras.

Finalmente, dende a Escola e dende o claustro de profesores vos desexamos que pasedes unhas Boas Festas e un mellor Aninovo 2012.

Descargar Circular 11/003

Seguir lendo

AUDICIÓNS | PRIMEIRO TRIMESTRE 2011/2012

10:01 Administrador

Entre os días 14 e 17 de novembro celebraránse as audicións correspondentes co primeiro trimestre deste curso 2011/2012. Coma novidade importante nestas audicións, será a participación nelas do alumnado do PEX do Nivel I. Ademáis, os alumnos de Obradoiro Pre-Iniciación Musical tamén terán que participar.

As audicións son obrigatorias para o alumnado do PEX xa que forma parte da programación curricular. Par coñecer a relación de alumnos nas distintas audicións visualiza a sección Áreas | Comunicación | Calendario Audicións.

Por outra banda, as clases que coincidan total ou parcialmente quedarán suspendidas xa que todo o profesorado estará de tribunal nas audicións.

Seguir lendo

AXENDA ARTÍSTICA | PRIMEIRO TRIMESTRE 2011/2012

11:41 Administrador

A Axenda Artística para o primeiro trimestre deste curso 2011/2012 terá coma protagonista a producción propia coma a producción allea á Escola.

Por un lado, no que atinxe a programación propia da Escola, dende o 14 ao 18 de novembro terá lugar as primeiras audicións correspondentes ao primeiro trimestre deste curso 2011/2012. Nas audicións participarán os alumnos correspondentes ao Plan Educativo Xeral (PEX) tendo coma sede a Escola Municipal de Música Magariños. O desenvolvemento das audicións terá lugar en catro sesións pasando por todos os niveis educativos, dende o Nivel I ata o Nivel III. O acceso será limitado ao alumnado do centro. Máis información na sección Área | Comunicación | Calendario Audicións onde poderáse atopar o calendario e a relación de alumnos participantes.

Por outra banda, como xa é habitual nestas datas de celebración musical, o centro contará coa producción das III Xornadas Musicais Santa Cecía 2011. Nesta edición contará co seguinte cartel:

1. Curso Iniciación á Percusión. Profesor: José Vicente Faus Faus, timbal da Real Filharmonía de Galicia.
2. Conferencia da Música Tradicional Galega nos séculos XIX e XX. Ponente: Pablo Carpintero.
3. Concerto Didáctico do grupo de metais "Santa Cecía".

Mais información sobre as III Xornadas Musicais Santa Cecía 2011 pinchando aquí.

Seguir lendo

III XORNADAS MUSICAIS | SANTA CECÍA 2011

15:24 Administrador

PROGRAMACIÓN

As III Xornadas Santa Cecía 2011 terán lugar entre o 19 de novembro e 26 de novembro. Nesta edición 2011 as Xornadas contarán coa seguinte programación:

Curso "Iniciación á percusión"

DÍAS: 19 e 26 de novembro.
HORARIO: de 9:00 a 14:00 horas.
PROFESOR: José Vicente Faus Faus, percusionista da Real Filharmonía de Galicia.
INSCRICIÓN: ata o 18 de novembro na Escola Municipal de Música Magariños.

Concerto didáctico "Os son dos instrumentos de vento-metal"

Grupo de Metais Santa Cecía

DÍAS: 22 de novembro.
HORA: 20:00 horas.
ESPAZO ESCÉNICO: Casa da Cultura (sala de exposicións).

Entrada de balde ata completar aforo.

Conferencia "A música tradicional galega nos séculos XIX e XX"

Pablo Carpintero Arias

DÍAS: 21 de novembro.
HORA: 20:00 horas.
LUGAR: Aula 6 da Escola Municipal de Música Magariños.

Entrada de balde ata completar aforo.

DOCUMENTACIÓN

- Impreso matrícula curso "Iniciación á Percusión".
- Díptico.
- Cartel.

INFORMACIÓN

ESMU Magariños | Área de Producción
Av. Santa Minia, nº 70
15865-Brión (A Coruña)
Tlf. 981 509903 | Fax 981 509969
escolamusica@briondixital.org
Web das III Xornadas Musicais Santa Cecía

Seguir lendo

SUSPENSIÓN DAS CLASES O 26 DE SETEMBRO

9:09 Administrador

A Escola Municipal de Música Magariños suspende as clases para o día 26 de novembro por motivo da celebración da Romaría de Santa Minia. A Escola, que se atopa nas inmediacións da capela de Santa Minia nese día se topará con dificultades de accesibilidade e por iso será un día non lectivo que non se atopaba no calendario escolar 2011-2012.

Por outra banda, recordar que o martes 27 de novembro a Escola permanecerá pechada pola festividade local.

Seguir lendo

HORARIOS E LISTAS DE ADMITIDOS 2011/2012

11:59 Administrador

A partir do 26 de xullo quedan publicados tanto na páxina web coma no tablón da Escola, o Concello e a Casa da Cultura os listados de admitidos e listas de agarda para o vindeiro curso 2011/2012.

Ademáis, están publicados os horarios das asignaturas colectivas coma os grupos das distintas asignaturas complementarias impartidas dende a Escola:

- Música e Movemento.
- Pre-Conxunto Coral.
- Linguaxe Musical.
- Conxunto Coral I.
- Conxunto Coral II.
- Conxunto Coral (Adultos).

Por outra banda, tamén están publicados os horarios das agrupacións instrumentais para o primeiro trimestre do curso 2011/2012.

Pódese ver toda a información en secretaría e na área de comunicación.

Seguir lendo

REMATA O PRAZO DE MATRICULACIÓN CURSO 2011/2012

11:15 Administrador

O pasado venres 15 de xullo rematou o prazo de matrícula para o alumnado de nova admisión ou tamén os alumnos activos durante o curso pasado que quixeron facer unha segunda especialidade instrumental.

Unha vez rematado o prazo de formalización de matrícula únicamente quedan vacantes as seguintes prazas que poderán ser cubertas fora de prazo ata o 15 de outubro:

- Trompeta/Fliscorno: 1 praza.
- Trombón: 1 praza.
- Tuba/Bombardino: 1 praza.
- Música e Movemento 3º: 8.
- Música e Movemento 4º: 5.
- Obradoiro Pre-Iniciación Musical: 7.

A formalización de matrícula nas prazas vacantes poderánse realizar en horario de secretaría.

Seguir lendo

RECOÑECEMENTO DA CONSELLERÍA DE EDUCACIÓN

14:58 Administrador

A Orde do 13 de maio de 2011 e publicado no DOG Núm. 104 do 31 de maio de 2011, autoriza a inclusión da Escola Municipal de Música Magariños do Concello de Brión no Rexistro de Escolas de Música e Danza da Comunidade Autónoma de Galicia.

A Escola Municipal de Música Magariños acada así a avaliación de conformidade cos requisitos da Orde do 11 de marzo de 1993 pola que se regula as condicións de creación e funcionamento das Escolas de Música e Danza en Galicia.

O centro cumpre deste xeito cos requisitos de infraestructura, profesorado e do proxecto educativo que dende hai varios anos ven traballando con moito éxito. O centro contará a partir de agora cun proxecto en continua avaliación que repercutirá na calidade do servizo prestado dende a Escola e, en definitiva, nos usuarios da Escola Municipal de Música Magariños.

Visualizar o DOG Núm. 104

Seguir lendo

MATRICULA CURSO 2011/2012

12:37 Administrador

A Escola Municipal de Música Magariños abre o prazo de inscrición para o vindeiro curso 2011/2012 para os alumnos de nova admisión.

O período de matrícula abrangue dende o 20 de xuño ata o 15 de xullo ámbolos dous inclusive. Os impresos e demáis documentación para a formalización da matrícula estarán a disposición dos interesados a partir do 20 de xuño na secretaría en horario de 10:00 a 13:00 horas, de luns a venres, e, os martes de 16:00 a 19:00 horas. Ademáis, estarán dispoñibles na web da Escola.

A matrícula na Escola Municipal de Música Magariños só a poderán cursar alumnos e alumnas empadroados no Concello de Brión. No caso de non ser cubertas as prazas ofertadas serán cubertas por alumnos non empadroados no Concello de Brión.

Os alumnos do curso pasado disporán da mesma praza que ocuparon o curso anterior e non terán que facer a matriculación. No caso de que o alumno solicite a matrícula nunha especialidade diferente á realizada no curso 2010/2011 admitiráse por baremo no período de matriculación de nova admisión.

Para os alumnos que se matriculan por primeira vez as solicitudes admitiránse en función das prazas vacantes e por baremo establecido no Regulamento de Réximen Interno. No caso de non poder contar cunha praza ao inicio do curso quedarán en lista de espera.

- Relación de prazas de novo ingreso 2011/2012.
- Normas Xerais de Matriculación.
- Impreso de Matrícula.
- Información Académica.
- Baremo (Regulamento de Réximen Interno).
- Taxas, descontos e becas (previstas).
- Díptico.
- Cartel.

Seguir lendo

VII CONCERTO FIN DE CURSO | CFC 2011

14:31 Administrador

O vindeiro 28 de maio ás 11 horas na sala de actos do Centro Social Polivalente de Brión celebraráse o VII Concerto de Fin de Curso (CFC 2011).

Como cada ano a ledicia de ver aos alumnos e alumnas da Escola Municipal de Música Magariños dende os máis pequenos ata os máis maiores demostrando a súa valía enriba do escenario, enche de riqueza o escenario musical.

Os alumnos demostrarán o aprendido ao longo do curso escolar dende os matriculados en Música e Movemento ata os que teñen coma especialide un instrumento. En definitiva, unha festa do final deste curso 2010/2011.

O CFC 2011 desenvolveráse en tres partes comenzando cos alumnos do Nivel I, pasando polo Nivel II e ata os alumnos do Nivel III correspondentes á terceira parte do concerto. Haberá descansos e terán o seguintes horarios:

- 11:00 horas: Primeira parte.
- 12:00 horas: Segunda parte.
- 13:15 horas: Terceira parte.

Visualizar a programación completa

Seguir lendo

I FESTIVAL DE CÁMARA | FECAM 2011

13:19 Administrador

O pasado venres 15 de abril os alumnos e alumnas da Escola Municipal de Música Magariños, deleitaron aos asistentes co I Festival de Música de Cámara 2011 (FeCam) organizado no Concello de Brión. O salón de actos do Centro Social Polivalente quedou pequeno para acoller as intepretacións duns intérpretes que amosaron o seu virtuosismo sobre o escenario, e, cunha gran maestría e musicalidade e ademáis, con moita de receptividade transmitida en aplausos polo público.

O FeCam desenvolveuse na súa xénesis cunha peza da Señora de la Cima e interpretada pola Banda de Música Magariños do propio centro, e, baixo a dirección musical do mestre Jorge Rey Barca. Continuou o festival con interpretacións de dúos, tríos, cuartetos, quintetos e ata sextetos que demostraron toda a súa valía enriba do escenario. O festival rematou cun trío de clarinetes interpretando tres pezas de distinta índole rítmica pero con moito color e virtuosismo artístico.

O FeCam, acolleu os distintos timbres nos que a Escola ven traballando, dende instrumentos como o piano ou a guitarra, ata instrumentos de vento-metal ou instrumentos de vento-madeira. Todos eles por separado e en conxunto conseguiron que música se fusionara para deleitar coa arte de facer música de cámara.

Seguir lendo

RESERVA DE PRAZA CURSO 2011/2012

18:25 Administrador

A Escola Municipal de Música Magariños abre o prazo de reserva de praza para o vindeiro curso 2011/2012.

O prazo de formalización da reserva de praza abrangue dende o 1 de abril ata o 29 de abril. Poden realizar a reserva de praza os alumnos activos no presente curso 2010/2011 e queran continuar no vindeiro curso. No caso de que os alumnos antigos queran escoller unha nova especialidade instrumental que non cursaron no presente curso 2010/2011, terán que facer a matriculación no período de nova admisión no mes de xuño e xullo.

Información e solicitude:

- Normas xerais.
- Impreso de solicitude.

Seguir lendo

RECITAL DE VIOLONCHELO

9:38 Administrador

O Departamento de Actividades Extraescolares da Escola Municipal de Música Magariños organiza un Recital de Violonchelo a cargo da intérprete Alejandra Díaz. O recital terá lugar no Centro Social Polivalente o próximo venres 8 de abril ás 20:00 horas.

Na actualidade, Alejandra Díaz realiza o seu último curso de licenciatura na Guildhall School of Music and Drama baixo as ensinanzas de Oleg Kogan. Alejandra atópase entre as chelistas máis destacadas da súa xeración en Londres, onde colaborou con músicos de renome tales como Gordan Nikolich, Tim Hugh, Sir Colin Davis e James Gaffigan, por nomear algúns.

Comenza a súa andaina musical en Galicia con Plamen Velev coma profesor. Anos despois obtén o diploma como becaria da Escola de Altos Estudios Musicais de Galicia (EAEM) e colabora coa Real Filharmonúia de Galicia en varias ocasións.

En 2010 Alejandra é seleccionada para formar parte da LSO Academy, o Wigmore Hall Chamber Tots e o Chamber Studio en Kings Place co Quartz Piano Trío.

Coma resultado da súa intensa actividade musical en Londres, en decembro de 2010, funda como violonchelista e directora artísticas, o Solo Artist Ensemble, unha orquestra de cámara de corda que xa empeza a adquirir crecente recoñecemento en Londres.

Alejandra recibiu master clases de numerosos violonchelistas internacionais da talla de Lluis Claret, David Etheve, Marcal Cervera, Pieter Wispelwey, Gary Hoffman, Alexandrer Baillie, Alexander Chausian, Pierre Doumenge e Stefan Popov, entre outros.

Coma entusiasta da música de cámara, Alejandra colaborou con pianistas profesionais en diferentes agrupacións e recibe clases regulares dos membros do Belcea Quartet, Caroline Palmer, Alastair Tait e Alasdir Beatson entre outros moitos.

Alejandra tocou en diferentes cidades de Italia, España e Inglaterra e realizou diversos concertos de gran repercusión no Barbican Hall, Wigmore Hall e St. Luke´s en Londres.

Recentemente foi admitida para estudiar no Máster en Estudos Instrumentais Avanzados (de solista) na Guildhall School of Music and Drama.

Alejandra toca un violonchello Apostol Kaloferor fabricado en Sofía, Bulgaria, en 1990.

PROGRAMA

- Suite para violonchelo solo nº 2 en Re M. J. S. Bach.
- Suite para violonchello solo nº 3 en Do M. J. S. Bach.

Seguir lendo

RECITAL DE GUITARRA CLÁSICA

14:40 Administrador

O próximo 6 de maio ás 20:00 horas na Escola Municipal de Música Magariños o profesor do centro Damián Cairo Touriño ofrecerá un recital de guitarra clásica. O recital se desenvolverá na Aula 6.

Damián Cairo Touriño e natural da Coruña e formouse no Conservatorio de Coruña na especialidade de guitarra clásica. Ademáis e titulado pola The Associated Board of the Royal Schols of Music tamén na especialidade de guitarra.

PROGRAMA

Renacemento e barroco

-Cantiga de Alfondo X o Sabio.
-Españoleta (Gaspar Sanz).
-Minueto (Robert de Viseè).
-Capricho (J. A. Logy).

Romanticismo

-Lágrima (F. Tárrega).
-Adelita (F. Tárrega).
-Nocturno nº 1 (J. K. Mertz).
-Nocturno nº 2 (J. K. Mertz).

Época Moderna

-Adagio (Stèpan Rak).
-Preludio nº3 (H. Villa-Lobos).
-Preludio nº4 (H. Villa-Lobos).
-Estudios sinxelos (I ao VI) (Leo Brower).

Seguir lendo

I FESTIVAL DE CÁMARA | FECAM 2011

11:08 Administrador

O vindeiro 15 de abril dará lugar ao I Festival de Música de Cámara (FeCam) organizado pola Escola Municipal de Música Magariños. O festival corerrá a cargo do alumnado do centro e pertencente ao PEX (Plan Educativo Xeral), e se desenvolverá no auditorio do Centro Social Polivalente ás 20:00 horas.

Con este festival, a Escola, quere dar a máxima expresión á arte musical. É de tal xeito, que os grandes compositores da historia da música encontraron a súa mellor inspiración e sabiduría na súa obra camerística, deixándonos un largo legado de obras mestras disfrutadas con apego nos últimos séculos e por públicos moi variados.

É tamén a música de cámara onde o intérprete demostra a verdadeira valía coma músico e onde o público, grazas a intimidade e cercanía que inspira este repertorio, experimenta como nunca uns momentos de comunión coa música.

O FeCam é unha festa da música onde o público e intérpretes disfrutarán e celebrarán a música de cámara de distintos compositores e de todos os tempos. E un pequeno inicio para dar cita a un público que comence a deleitarse coa beleza e profundidade deste arte, e, dende a música que fan os alumnos da Escola Municipal de Música Magariños.

Seguir lendo

AUDICIÓNS SEGUNDO TRIMESTRE

0:50 Administrador

A Escola Municipal de Música Magariños vai celebrar os próximos días 22, 23 e 24 de marzo as audicións trimestrais e coma remate da avaliación.

As audicións consistirán na interpretación dunha peza de carácter solista dos diferentes instrumentos que compoñen a oferta instrumental do centro e pertencentes ao Plan Educativo Xeral (PEX) dos niveis II e III.

As audicións terán lugar na Aula 6 do Centro en horario de 18:30 ata as 19:30. A relación de alumnos que participaran nas distintas audicións pódese visualizar na sección de Área-Comunicación-Calendario de Audicións.

As clases quedaran suspendidas durante a celabración das distintas audicións.

Seguir lendo

I CONCERTO DE ENTROIDO 2011

10:39 Concello de Brión

O pasado 4 de marzo no auditorio do Centro Social Polivalente estivo cheo de festa e color a cargo dos máis novos da Escola Municipal de Música Magariños. Os nenos e nenas da área de música e movemento da Escola ofreceron un concerto como parte da celebración do Concerto de Entroido 2011 e baixo a atención da súa mestra Elisa Costoya Rodríguez.

O Concerto comenzou ás 18:30 horas cun repertorio de danzas e de música popular ambientada nas festas do Entroido. Baixo a maxia e color dos máis pequenos invitou aos asistentes a disfrutar destes grandes pequenos artistas que non tiveron medo escénico e pola contra gran valía artística.

Seguir lendo

SECRETARÍA | ACREDITACIÓN

10:38 Concello de Brión

Máis información na direción www.esmumagarinos.wix.com/index

Seguir lendo

PRESENTACIÓN DA WEB

10:38 Concello de Brión

11/02/2011

Presentamos a nova web da escola de música.

Pasados xa anos dende que se puxo en funcionamento a Escola de Música do Concello de Brión, xa era hora de integrarse no mundo das novas tecnoloxias e ter este medio tan fabuloso de darnos a coñecer virtualmente a todo o mundo.

FONDO MAGARIÑOS

11:19 Concello de Brión

Máis información na direción www.esmumagarinos.wix.com/index

Seguir lendo

Escola Municipal de Música Magariños Xa non estamos nesta dirección

gustache a web

Concello de Brión

VISITAS

Boletín escolar

NOVA WEB

Enlaces